هتكلم معاكم النهارده ف موضوع دمه تقيل
بعد اتمام الجلسة الافتتاحية للبرلمان
عاوز كده ابص علي الاحداث من فوق
طبيعي جداً ان كل المسخرة اللي حصلت ف المجلس كانت تحصل
ليه بقي
لأن م الاول المجلس ده معروف للكل انه مؤقت
ليه بقي
لأن المجلس جاي اساساً علي دستور تقريباً باطل
ليه بقي
ليه بقي
لأن الدستور ده اصلاً الثورة كان المفروض تغيرة زي اي ثورة في العالم
الثورة الفرنسية
الثورة البلشفية
الثورة الاوكرانية
الثورة البرازيلية
الثورة البوليفية
الثورة الرومانية
حتي الثورة الايرانية
طبيعي جدا ثورة تقوم
يتعمل دستور جديد
ييجي مجلس شعب نوابه ييقي القسم بتاعهم بينص علي احترام الدستور الجديد
و نظام الدولة الجديد
سواء بقي اذا كان برلماني رئاسي جمهوري ملكي اي حاجه
انما احنا بقي
عملنا الاستفتاء و الشعب قالك نعم للتعديلات الدستورية
و عملنا التعديلات اللي كان ملهاش اي تلاتين لزمة
(مش عارف ليه تلاتين بس هي بتتقال كده)
و اتعدل الدستور اللي اصلا هنرجع نغيره تاني كده كده
و الاخوان و السلفيين نجحوا في الانتخابات
مش بالتزوير لكن نجحوا حقاً و صدقاً بصراحة
نفس الشعب اللي قال نعم للتعديلات هو اللي جابهم ف البرلمان
طبيعي جداً
المهم جه كل واحد و هو بيقول القسم افتكر فجأه ان الدستور ده هيتغير
و ان احنا لسه متفقناش نظام الدولة هيبقي برلماني ولا جمهوري ولا ولا ولا ..
ف بدأ كل واحد يحط التتش بتاعه و هو بيقول القسم
اللي يقولك بما لا يخالف شرع الله
(و كأن مثلا الدستور القديم كان بينص علي مخالفة شرع الله
او انه اساساً مكنش مصدر التشريع قبل كده مبادئ الشرية الاسلاميه
اهو ده بقي لازم اقوله :
يا واد يا مؤمن .. يا واد يا مؤمن )
اهو ده بقي لازم اقوله :
يا واد يا مؤمن .. يا واد يا مؤمن )
و اللي يقولك بما لا يتعارض مع اهداف الثورة
(و كأن الباشا ده هو الثوري الوحيد اللي جاي ينقذ الثورة
مع العلم ان بإستثناء عمرو حمزاوي مفيش واحد بس من شبابا الثورة دخل البرلمان
ده حتي خالد تليمة بجلالة قدره خد تسع تلاف صوت)
واللي يقولك مينفعش نقسم اساساً و احنا مش عارفين النظام هيبقي جمهوري ولا برلماني
(يا فقاقتك يا اخي عرفتها لوحدك
انشالله ما اقسمت.. لما انت عارف كده رشحت نفسك ليه م الاول)
ده غير اللي قالك القسم كله بس زود ف الاخر بما يخالف شرع الله
(و ده انا مش عارف جه المجلس ازاي)
ده غير واحد مسيحي بدل ما يقول بسم الله الرحمن الرحيم
قاللك بسم الله الواحد الذي نعبده جميعاً
(طب ما احنا عارفين انه اله واحد نعبده جميعاً ايه لزمة الفلسفه يعني
فارقة ف ايه يعني عن بسم الله الرحمن الرحيم)
ولو كان توفيق عكاشه نجح كان زود من عنده
حتة : بما لا يتعارض مع قوانين مدينة البط
فارقة ف ايه يعني عن بسم الله الرحمن الرحيم)
ولو كان توفيق عكاشه نجح كان زود من عنده
حتة : بما لا يتعارض مع قوانين مدينة البط
كل واحد عاوز يعمل شو و منظر قدام دايرته
لأنه عارف ان ده برلمان مؤقت
ف كان لازم يزعق و يهلل
و يعملك فيها ابو الوطنية
او ابو التدين
او ابو صوت عالي
القصد من ده كله ان اي قسم في الدنيا ليه صياغة معينه لازم تتقال كده زي ما هو
و ده رأي قانوني مش رأيي الشخصي
و إلا يبقي القسم باطل
و يجب اعادته
او ان عضوية النائب اللي قال القسم غلط بتبقي باطلة
أظن مكنش هيحصل كل اللبش ده لو كان المذيع الداخلي بتاع البرلمان
نده علي كل اسماء الانواب مرة واحده
و قال القسم مره واحده
و رددوه وراه مره واحده
من غير ما حد يحاول يجوّد
في دول كتير بتعمل كده فعلاً مش بهزر.
..
نقطة تانية مهمه جداً
المجلس ده بيمثل مين ف الحقيقة
هتقولولي بيمثل الشعب
طب نشوف الشعب كده
و نشوف المجلس
الشعب لو قلنا نصه ستات
المجلس فيه 10 ستات
الشعب فيه 10 مليون قبطي
المجلس فيه 8 اقباط
الشعب ربعه ثوار
المجلس فيه عمرو حمزاوي
الشعب نصه شباب
المجلس 5 % بس منه شباب
لو اعتبرنا ان الاربعينات شباب
يبقي المجلس ده بيمثل مين ؟؟
تلتين المجلس تيار ديني
سواء قوائم او فردي
و الباقي شوية فكه كده
فلول علي كتله علي مستقلين
حاجه تكسف
اول مجلس بعد الثورة
و اول مجلس اغلبيتة مش حزب وطني
و اول مجلس فتحي سرور مش رئيسه
( اكيد كان في رؤساء قبله بس انا موعاش عليهم )
هو ده برلمان الثورة ؟؟!!
معقول
مجلس يبقي شغال جوة
و مؤيديه اللي بدقون واقفين بره بيهتفوا
البرلمان هو الميدان
..
أظن كده المجلس الجديد
وصل لنا رساله مهمه جداً:
مصر في العشه ولا طارت ؟
بقلم : بنجراوي نوفل رطاط لملوم القفل
