شخصيات عجيبه و غريبه و مريبه ع الفيسبوك بحاول اتجنبها

هناك بعض الشخصيات التي يجب ان تتحاشاها بقدر الامكان علي الفيسبوك , قد تسبب لك القرف او الحيرة او الغثيان في بعض الاحوال ... بالبلدي كده شخصيات عجيبه و غريبه و مريبه ع الفيسبوك بحاول اتجنبها و منها :

- اللى يعملي تاج فى صورته الشخصية.

- اللى يبعتلي لينك فى الشات ويقولي لايك و شير.

- اللي بلاقيه عامل لايك علي صورة مكتوب فيها اعمل لايك و شوف اللي هيحصل.

- اللي ينزل بوست او يعمل شير لصورة و الاقيه عمل لايك لنفسه او كتب اول كومنت لنفسه.

- اللي بيرد عليا لما اكتب له كومنت علي صورة و ميردش عليا ف الشات.

- اي حد بلاقيه حاطط صورة و يقول كام لايك للمش عارف ايه ده.

- اي حد بلاقيه حاطط كل او معظم صور البوفايل بتاعه مغني او ممثل .

- اي حد مقتنع بفكرة مقارنة ابوتريكه بزين الدين زيدان او شيكابالا برونالدينهو .

- اي حد بيتكلم عن المهندس اللي اخترق شركة الاتصالات.

- اي حد عنده طريقة تخليك تعرف مين شاف بروفايلك.

- اي حد علطول يبعتلي اضافة العاب البوكر او فارم فيل او اي لعبه عموماً.

- اي حد كاتب قبل اسمه  "singer" او "poet" او ما شابه ذلك , باستثناء اللي بيكتب "Eng" لأن ده بيبقي لسع و مفيش عليه اي حرج ولا حتي فيه خوف منه .

- اي حد يحط صورة شئ خزعبلي و يقولي لا تخرج قبل ان تقول سبحان الله.

- اي حد يبعتلي صفحة اسمها بيبدأ بكلمة "تحداني" .

- اي حد بيعمل شير باستمرار لحاجات من صفحة محبي اعمال و كتابات مايكل سامي.
- اي واحده مسمية نفسها "مدام علانه" او "فلانه و بس" او "ترتانه الامورة".. دول اكيد شمال .
- اي حد  شايف ان ابو اسماعيل "حاله فكرية فلسفية" او ان مرسي "كاريزما" او ان عبد الله بدر "شيخ" او ان خالد عبد الله "داعية".

- اي خروف.

بقلم : بنجراوي نوفل رطاط  لملوم القفل

ارحل يا مرسي

يا مصريين

يا شعب صبور و متحمل

بقاله سنين

ايه يعني جعانين تعبانين

بايعين هدومكم عريانين

بالفقر عايشين معلولين

م الجهل عايشين مجهولين

مش متشافين مش مسموعين

و المسئولين مش مسئولين

متفرعنين

او مفسدين

او حتي فشلة و مُفشلين

عن قصد او مش دريانين؟!

ايه يعني مصر اتأخونت

و في ميليشيات اتكونت

بيضبشوا و بيلطشوا

ف جماعة منكوا اتخونت ؟!

ايه يعني بيموت الجنيه

هيروح و مش مأسوف عليه

اجله انتهي بسوء الختام

نصيبه يعني هنعمل ايه

ايه يعي ضرايبكم تزيد

و الاسعار برضك تزيد

و كل شئ حواليكوا يغلي

و الا المرتب .. ف الحضيض !

بالله عليكم

سيبكوا من كل اللي فات

و المشكلات و الاشكالات

انسوا اللي مات

ويا الحاجات اللي اتنست

و اتقرطسوا

ماهو ياما ناس اتقرطست

صحيح بمناسبة القرطاس 

حقيقي يا ناس

رئيسكوا يا شعب بيصلي

و م الحافظين كتاب الله

و ميروحش ف مكان الا

و سجادة الصلاه وياه

ياه ع المرسي مليون ياه

ف جيبه تملي فيه سبحة

وطيب ، خلقته سمحة

راجل اخلاق

و دي حاجه اكيد واضحة

الاسلام علي يدّه

وصل علي مصر

جاي من عهد الصحابة

و بيصلي العشا ف القصر

ف امريكا اشتغل ياما

لكنه بجد مصري اصيل

و عندي دليل

ف لغة الغرب بيتهته

لسانه تقيل

ولاده اخدوا جنسية

و ايه يعني

دي حاجه قديمة منسية !

مصر ف عهده مديونه

و ماله يا خلق فرجه قريب

ماهو المؤمن تملي مصاب

و كله نصيب

و مافيش غير النصيب باقي

شوفوا المرسي و حلاوته

ده مش لابس قميص واقي

هقول ايه عنه يا اخواننا

هقول ايه تاني مش لاقي

معيار الكفاءه مهم

كفاءة مين

فكك م الكفاءة يا عم

ده راجل ملتحي و مسلم

و شكل اللحية ف بلدنا

هتبقي اهم

لو مرسي ميعجبكوش

طز حقيقي مش لازم

نشيله لو ميلزمكوش

و من بعده نجيب حازم !

بقلم : بنجراوي نوفل رطاط  لملوم القفل

القواعد العامة للتعامل مع الرجال

                      القواعد العامة للتعامل مع الرجال             

نرجو من النساء قراءتها

بعناية:

(ملاحظة: لقد تم ترقيم كل الفقرات بالرقم 1 عن قصد)

1- النساء الجميلات وجدن لننظر إليهن, لا تحاولي أن تغيري ذلك.

1- مشاهدة الأخبار والمباريات الرياضية حقيقة علمية كاكتمال القمر أو المد

والجزر، يجب ان تحدث و عليكي التسليم بذلك.

1- الذهاب معك للتسوق ليس نوعاً من الرياضة، و مرهق بدنياً و معنوياً و مادياً,  لن نقتنع بهذا الأمر إطلاقاً.

1- البكاء وسيلة ابتزاز.

1- قولي ما تريدين ولنكن واضحين في ذلك: التلميحات المبطنة لن تنفع،

التلميحات القوية لن تنفع، التلميحات المباشرة لن تنفع، فقط قولي ما تريدين

مباشرة.

1- نعم أو لا هي الإجابات المفضلة لدينا لجميع الأسئلة تقريباً.

1- أخبريني بمشكلتك فقط عندما تريدين مني المساعدة لحلها، هذا ما نقوم به،

أما التعاطف فهو ما تقوم به صديقاتك.

1- الصداع الذي يدوم لسبعة عشر شهراً مشكلة حقيقية، عليك مراجعة الطبيب في

ذلك.

1- إذا كنت تعتقدين أنك أصبحت بدينة، على الأرجح أنت كذلك، لا تسأليني.

1- الحاجة للخروج و لعب الورق مع أصدقائي هي تماماً كحاجتك للحديث مع أمك

عبر الهاتف يومياً، نرجو التساوي في الحقوق في الحالتين.

1- أمي لا تكرهك، لكنها ببساطة تحبني.

1- أختي لا تبحث لي عن عروس أخرى.

1- لن أتزوج ثانيةً، هذا وعد, فلا يلدغ المؤمن من جحر مرتين.

1- عندما ألبس ثياباً لائقة قبل الخروج وحدي من المنزل هذا لا يعني أنني

ذاهب لمقابلة إحداهن.

1- وجود شعرة طويلة على سترتي يمكن أن يكون له مليون سبب في علم الفيزياء،

غير السبب الوحيد الذي تعتقدينه.

1- لم أنس تاريخ زواجنا، لكنني فقط لا أحاول أن أتذكره.

1- إذا قلت لكي اي شئ يمكن قوله بطريقتين وواحدة منهما تزعجك ، فإذا قلت شئ و ازعجك فتأكدي

أنني قصدت الطريقة الثانية.

1- يمكنك إما أن تطلبي مني القيام بشئ أو كيف تريدين منا القيام به: ليس

الاثنين، إذا كنت تعلمين أفضل طريقة للقيام به قومي به بنفسك.

1- إذا كان بالإمكان رجاءً قولي أي شئ تريدين قوله أثناء الإعلانات.

1- كولومبوس اكتشف أميركا دون الحاجة لمن يرشده إلى الاتجاهات، وانا كذلك

لا احتاج لمن يرشدني إلى الاتجاه أثناء القيادة.

1- جميع الرجال يميزون 16 لوناً فقط مثل إعدادات ويندوز الأساسية: المشمش

بالنسبة لنا فاكهة و الباذنجان نوع من الخضار و الطوب هو اصغر وحده تستخدم في البناء، وليست لدينا أي فكرة ما هو الــ

 ليلا او الجانجا ,  و البني و التركواز و السماوي و النيلي نعتبرهم كلهم ازرق .

1- عندما أسأل ما المشكلة وتقولين لا شئ، سنتصرف على هذا الأساس، اعلم

أنك لا تقولين الحقيقة ولكنني غير مهتم بالشجار.

1- إذا كنا ننوي الذهاب سوية إلى مكان ما، فأي شئ ترتدينه بالتأكيد سيكون رائع و بديع و خلاب,

فقط لا تسأليني.

1- لا تسأليني عما افكر فيه إلا إذا كنت جاهزة لمناقشة أحد المواضيع

التالية: الرياضة أو السيارات او ميريام فارس.

1- لديك ما يكفي من الملابس.

1- لديك الكثير من الأحذية.

1- شكراً لك لقراءتك هذه القواعد، أعلم أنني سأنام في غرفة الجلوس الليلة

بعد قولي هذا الكلام، لكن ما لا تعلمينه عن الرجال أنهم لا يبالون بذلك، هو

كالتخييم بالنسبة لنا