خلصنا م اللـي بـيـهـبّـش ** ولزق عالكرسي ومكلبش
قرينـا الفـتحة علي حكمة ** اللهي طوبته ما تبشبـش
و قلنا خلاص مفيش تاني ** "مبـــارك" ييجي و يكـوش
و جبنـا سـبـع م الـتـحـرير ** ايديه ف جيوبنا ما يمـدش
اتاري الـسـبع كان اعـمي ** سـايـقـنـا و هـو بيضبـش
و كان اخرس مالوش كلمة ** مابيقولشي ولا يوشـوش
لا بيـحـل .. ولا بـيـربــط ** ولا يفيدشي ولا يضــرش
لـكــن شـكــلــنــا ويـــــاه ** في أقرب حيطة هنخيش
اخـدنا و عـضـمـنا مشروخ ** بقينا عضـمـنا مفشفـش
تمـلي نـحسه مش واثق ** تـملي نـحـسه متوغوـش
تملي نحسه مـش واعي ** ف عـالم تـانـي متــدروش
ف اسـود ظـرف بنشـوفه ** ظريف و حليــوة و مفرفش
و دمـة خـفـيـف ,و بـيـهزر ** يـحـب الـنـكـتــه و بيقلش
و لـو نـلـجـألـه ف مصيـبه ** بينشف جسمة .. يتلبش
نـقــولـه إلـحقنا يـا كـبيرنـا ** يـبـص بـعـيد.. ولا يــردش
منعــرفـش السـمـع ماله ** يـجـوز سـمّيـع و بيـطـنـش
ف اي حـديـث معـاه كأنه ** صاحي من نـومـة بيبربـش
مـخـدش قــرار لـوجـه الله ** ايـديـه مـهـزوزة و بترعـش
تحسه حقيـقي بسكـوتة ** و حـلـو و نايتـي و مقرمش
اتــاري سـبــعـنـا .. قطه ** ده حتي القطـه .. بتخربش
اخــرالقــول يـا عصـومــة ** خلاص و النعـمة لا نفركش
امــشـي و احـنـا بنحبـك ** يــا إلا .. و ربـنـا لا نقـفـش
يا إمـا هتـمشي بفضيحة ** و قـبل مـا تمـشي تتفتش
عزيزي عصام شرف .. احترمتك في التحرير ولكنك لست رجل المرحلة
