طز ف اللي حب
و طز ف المحبه
و ف اللي إخلاصه ذنب
ف بقي لحبيبه لعبه
و طز ف المحاوله
و السعي و المداوله
و طز ف المزاوله
و ف اللي صدقها كدبه
و طز ف اي شاب
جابته علي بوزه شابه
دلدق احاسيسه كب
بس حبيبه ما عبّي
و هان علي روحه ذله
و اللي قصاده يقوله
مفرقش معاه ده كله
مقفول قلبه ب ضبّة !
و طز ف حد طب
و بعد ما طب خبي
و ف الل خياله خصب
و لكنه سذاجته خايبه
فكر بالوقت يمكن
الفرصه هتبقي احسن
و مسيره يوم ما يعلن
هيلاقي حبيبه لبّي!
و طز ف لسان مدب
كان صاحبه مشاعره دايبه
و طز ف من خد مطب
يوم باح محسبش حسبه
قال للي هواه هويت
دبت سنين استويت
افتح ويايا بيت
ف حبيبه اداله بمبه
و طز ف كل قلب
حبيبه قلَب له قالبه
ف خد منه يا عيني جنب
و بقي حالته قصاده صعبه
و طز ف اللي رفضه
و خاف انه يبوح برفضه
و بقي هو نفسه برضه
ان لمحة.. بيستخبي
بقلم : بنجراوي نوفل رطاط لملوم القفل
ليست هناك تعليقات:
إرسال تعليق