ياللي خايف م الوداع
الوداع شئ قاسي جداً
الطبيعي انك تخاف
الوداع مرعب و متعب
و لو وداع محتوم ده طبعاً
تقل جبلين ع الكتاف
الوداع لو جاي جاي
مهما كنت تأجله
ايه اللي ممكن تعمله
مش في ايدك حل تاني
الا انك تقبله
اصل لو مقبلتهوش
صعب اوي تتحمله
الوداع علقم و مر
و القبول يداويك بصبر
وحده بس يجمله !
في الوداع بنخاف لا خوفنا
يزيد مع زيادة الحنين
الوداع بيكون ف لحظه
بس بتعدي في سنين
لحظة جايز مش حاببها
بس مش عاوز تسيبها
تمسك اللحظه الاليمة
و انت اصلا مش حاسبها
اصلها اللحظة الاخيرة
اصلها المرة الاخيرة
اصلها الفرصة الاخيرة
العنين بتشوف حبيبها
و ان تضيع الفرصه ديا
مستحيل تقدر تجيبها
قالوا يوم في الفلسفه
الوداع اصعب قفا
تاخده من ايد الزمان
تنسي بعده كل كان
من تجارب مؤسفة
قالوا في القفا ده علاجك
لو نويت تاخده بمزاجك
اصله مضمون فيه الشفا
الوداع في بدايته يجرح
بس بعدين تستريح
باب بيقفل غيرة يفتح
فيه السعاده مكثفة !
بقلم بنجراوي نوفل رطاط لملوم القفل
ليست هناك تعليقات:
إرسال تعليق