التحرش في مصر .. مشكلة و حلول +18

في البداية احب اشكر ربنا انه خلقني راجل مصري ، مش عشان (راجل) لوحدها ولا عشان (مصري) لوحدها .. بالنسبالي الراجل زي الست الاتنين واحد بس الكلام ده في اي مجتمع متحضر ، كنت اوافق و احب جدا لو انا ست المانية او امريكية مثلا ، معنديش مشكله.. انما في مصر لازم اكون راجل عشان اضمن اني مبقاش في اقل درجات في الهرم الاجتماعي المصري.

اما بعد ، و بعد ده بقي مشكله منيله بستين نيلة ..

البعض هيشوف تفكيري متطرف شوية، و ناس كتير مش هيعجبها كلامي .. اللي هيشوف كده احب اقوله طز في حضرتك ..

حبيت اتكلم في الموضوع بتاع التحرش بعد ما يهدا شويه -اشمعنا انا متكلمش ما كله اتكلم- لسببين،
الاول  اني اكون لميت الموضوع من كل جوانبه بعد ما تبان تحقيقات النيابه ،
و التاني  اني افكركم بيه من جديد عشان انا عارف ان آفة وطننا النسيان ، يومين تلاته و اتخن مصيبه بتتنسي عشان بيجي مصيبه اتخن منه تشغلنا ..

 البنت من حقها تلبس شيك و تنبسط و تحس انها جميلة  تلبس فستان بقي او كت او جيبه ، تلبس اللي يعجبها و يحسسها بانوثتها ..

ده حقها الطبيعي في كل الدنيا تلبس اللي يعجبها و محدش من حقه يعلق عليه.. و اللي يبصلها بصه مش ولابد يبقي بيتعدي حدوده.

ده حقها الدستوري في بلاد العالم المتحضر ..

عندنا العكس ، تبقي لابسه عادي و تتعاكس و يتم التحرش بيها  ،
محجبه تتعاكس و يتم التحرش بيها ،
منقبه تتعاكس و يتم التحرش بيها..

كبيره صغيره حلوة وحشه بتتعاكس و بيتم التحرش بيها.. بالبلدي اي نتايه في مصر بتتعاكس و بيتم التحرش بيها .

و التحرش درجات من التحرش اللفظي لحد الاغتصاب و كله عندنا في مصر متوفر مع ان الشعب متدين بطبعه !

اه و الله قالوهالنا كده و حفظوهالنا في المدارس من و احنا عيال مش فاهمين حاجه و كبرنا فضلنا نرددها زي البغبغانات و احنا مش فاهمين حاجه ، عشان احنا طلعنا مش شعب متدين ولا حاجه احنا شعب ميعرفش ربنا اصلا .. اثبت لكم ؟ 

مش الدين أمرك متبصش ؟
سمعت عن غصن البصر و كف الاذي؟
 طب سمعت عن ان النظرة الاولى ليك و التانية يتبقى عليك؟
طب سمعت عن زني العين ؟

اقولك كمان ولا كفاية ؟

بلاش كل ده .. انت راجل ابن كلب كافر ومتعرفش ربنا  ، قولى ايه المتعة اللى أخدتها لما حسست على جسم واحده غضب عنها ، كدة انت اشبعت هيجانك؟ طيب هفترض انك انبسطت لما لمست جسمها و حصلك إشباع، حرقتها بالشمروخ ليه يا سادى يا متخلف؟ تغزها بالمطوة ليه يا حيوان يا ابن ميتين الكلاب؟

سؤال مالوش اجابه !

نقطة تانية .. الشرطة ليه ضربت نار في الهوا ؟ دى واحدة بتموت قدامك هتضرب نار امتي؟
ام الاسلحة اللي مستلمينها و بندفع تمنها من ضرايبنا عشان تحمونا بيها دي لازمتها ايه ؟!!

نقطة تالته .. القرني اللي صور .. بس كده النقطة خلصت و الرسالة وصلت.

الحلول : 

بره مفيش تحرش مع انهم عالم كفره و ملحدين .. بس عندهم حاجة اسمها أخلاق.. و حاجة تانية اسمها قانون و حاجة تالته اسمها حرية جنسية (شخصية ) ..lحنا بقي لا عندنا اخلاق ولا قانون ولا حرية جنسية و واضح كمان ان معندناش دين نعمل اية؟ 

معندناش اخلاق و ده واضح .. و الشباب بقي مثله الاعلي عبده موته و اوكا اورتيجا و هما دول المصدر الرئيسي اللي بيتعلموا منه .

معندناش قانون ؟ لا عندنا .. بس مالوش قيمه لانه مش بيتنفذ ، عشان الشعب مش بيحترم القانون و الدولة فضلت تتهاون في تطبيق القانون و بالتالي الشعب مبقاش يحترمه اكتر ، فتاه العتبه بتاعة المعادي المتحرش خد اعدام و مع ذلك محصلش ردع !

من رأيي ان واحد متحرش بس يتخصي كله هيمشي زي الألف بعد كده و عينه في الارض و ايده في جيبه ، و كله بالقانون زي دول كتير ما بتعمل و الامثلة كندا و فرنسا و بريطانيه و السويد و الدنمارك و النرويج ، عقوبة التحرش الاخصاء الكيميائي .

عمرو سلامه اقترح ان تراخيص بيوت الدعارة ترجع تاني عشان كل شاب هيجان من دول يفرغ طاقتة المكبوتة بشكل قانوني من غير ما يتحرش ببنات الناس ، الموضوع ده مش بدعة، زمان موجود ايام الملك و عبد  الناصر لما مسك لغاه وعمل فيها حامي حمى الدين.. هو مش حل جذري بس ممكن يساعد علي تقليل نسبة التحرش طالما القانون مش بيتنفذ.

اهم حل لنص مشاكل البلد هو ان إلقاهرة متبقاش العاصمة عشان متبقاش زحمة ومفيهاش تكدس، الزحمة اساس كل البلاوي، هي سبب الفقر و الجهل.. المجتمعات المحترمة صعب جدا" يكون فيها الكم المهول من البنى ادمين في منطقة ضيقه زي القاهرة، ليه صعب؟ عشان الزحمة بتمنع المواطن انه ياخذ حقه من الدولة زي ما الدستور بيقول ، مش بيتعلم صح ولا بيتعالج صح ولا بياكل صح ولا عايش صح وبالتالى اكيد عنده كل انواع الكبت اللى بيجي للبنى ادم .

كلامي بايخ ؟ حلولي دمها تقيل؟ 

بسيطه

ممكن نعمل ندوه و نجيب دكتور نفساني و شيخ و قسيس و نتفق كلنا على ان البطالة و غياب الوازع  الدينى هو السبب و تقول كلام كتير حلو ميتشبعش منه ان دي مش اخلاقنا و المجتمع مش كده و دول قلة منحرفة و ممكن كان نلزقها في الاخوان و نخرج من الندوة زي ما دخلناها ..

و نقول ان البلد زي الفل ..

بس الحقيقة غير كده احنا مجتمع اخلاقياً منهار ،
وثقافياً و علمياً فى الحضيض ،
شوفوا الافلام بتاعه الاعياد هتعرفوا سبب التحرش في الاعياد،
اسمعوا الاغاني الشعبي و شوفوا موضوعاتها و كلماتها،
شوفوا موضة لبس الولاد اللي بقي اضيق من لبس البنات والدكر من دول بقا لابس زيه زي اخته و عشان يثبت رجولته لازم يتحرش بواحدة وبقهرها ويحسسها بضعفها ،
ده غير ان  الرجاله بقت عندها عقد نقص من ساعة ما الستات بقت بتعمل كل حاجة احسن منهم..
شوفوا الشذوذ زاد ليه بين الجنسين، البنات مش شايفه الراجل في حماية ولا حتى حنية لأن الراجل بقي عنده عقد  قد كده، و بقي بيمارس تسلطه على الست عشان يطلع الكبت الى جواه ،
و شذوذ الرجاله ممكن من اسبابه ان الراجل مش مالي عين الست فبيدور علي راجل زيه مش مالي عين ست تانية برضه عشان يبسطوا بعض .. اهه اي حاجه و السلام.

عموما .. 

لو عاوزين حل سريع يبقي محاكمة سريعه و حكم اعدام .
اه اعدام !
هل اعدام الكلاب دول هيسبب مشكله للبلد ؟ هل حد هيفتقدهم ؟

دول عالم دماغها ممسوحة مفيش منهم رجا ، يبقى فى سنين داهية ننضف المجتمع منهم و نوفر المصاريف اللي هتتصرف عليهم في السجون.
هل الست اللي حياتها اتدمرت دي تعتبر عايشه ؟
ما هي تعتبر ماتت بالحياه .. يبقي اعدام ويلعن ابو اي حد مش عاجبه كلامي .

 بقلم بنجراوي نوفل رطاط لملوم القفل