مرتبطه و جالها هدية : انا بحب خطيبي ( حبيبي - جوزي - زكي قدرة ) اوي ربنا يخليهولي و ميحرمنيش منه .
مرتبطه و متخانقه : حبيبي ارجوك متزعلش مني ف يوم زي ده اي ام سو سوري بجد ، بحبك اوي
سينجل تنح : انا سينجل بس مش معني كده اني محتفلش .. انا بحتفل عادي مع اصحابي و كده
سينجل منفسن : الله يلعن ابو المحن ، يوم المحن العالمي
سينجل و دلوعة ابوها : الراجل الوحيد ف حياتي هو ابويا ، بحبك اوي يا بابا و جبتلك دبدوب عشان انا عاوزه الناس تعرف اني كيوت و سينجل ف نفس الوقت.
سينجل و محبط : وحيد يا زمان - لحد امتي هفضل سينجل بقي - عاوز اصاحب يا ولاد الكلب - .. الخ.
سينجل متسول : بمناسبة الفالانتاين , محدش بيحبني و ناسي ؟ - محدش عاوز يقوللي هابي فالانتاين ؟
سينجل جعان : العشق الحقيقي هو عشقي لورق العنب!
سينجل مُغيب : اعرف مين شاف بروفايلك عن طريق الضغط علي اللينك - هو ماتش الاهلي الساعة كام ؟
سينجل و عامل فيها مش فارق معاه :
فالانتاين ايه بقولك ايام سوده - سينجل اند براود - الفالانتاين اصلاً حرام .. الخ
سينجل و ثوري : مفيش فالانتاين قبل ما نجيب حق الشهيد.
سينجل عبيط : انا هخرج النهارده لوحدي و هجيبلي هدية و هبسطني عشان انا استاهل اكون مبسوط .
سينجل لسه مفركش : زي النهارده انا كنت اسعد م النهارده - الحب مات بسبب البنات.
سينجل تعبان ف دماغه : عفواً فالانتاين داي انا ( مسلم - مسيحي - هندوسي - زملكاوي .. الخ)
سينجل تعبان اوي ف دماغه : بمناسبه الفالانتاين عاوز اعلنها للعالم كله ، بحبك يا (سيسي - مرسي - باسم - صافيناز .. الخ)
سينجل لقيط : يا ولاد الكلب ياللي خارجين خدوني معاكم.
سينجل حاقد : يا ولاد الكلب ياللي خارجين.
بقلم بنجراوي نوفل رطاط لملوم القفل
ليست هناك تعليقات:
إرسال تعليق